ლუკა ლოჩოშვილის შეფასება დარმშტადის წინააღმდეგ

გერმანიის ბუნდესლიგა 2-ის მე-2 ტურის შეხვედრაში ლუკა ლოჩოშვილის ნიურნბერგი დარმშტადთან 0:1 დამარცხდა. ერთადერთი გოლი, მატჩის ბოლო წუთზე (90+4) კილიან კორედორმა გაიტანა.

ლუკა ლოჩოშვილმა შეხვედრა შეუცვლელად ჩაატარა, ქართველმა მცველმა 5 სახიფათო შეტევა მოიგერია, 8 ორთაბრძოლაში მიიღო მონაწილეობა და 5-ში გაიმარჯვა, ბურთს 42-ჯერ შეეხო, 32 გადაცემიდან 29 ზუსტად შეასრულა.

ლუკა ლოჩოშვილის შეფასება სხვადასხვა სპორტული საიტების მიხედვით:

• Sofascore: 6.5

• Flashscore: 6.3

• Whoscored: 6.2

ნიურნბერგი 2 ტურის შემდეგ ჯერჯერობით უქულოდაა, შეგახსენებთ პირველ მატჩში ქართველის გუნდი ელვერსბერგთან დამარცხდა. მომდევნო შეხვედრას ნიურნბერგი გერმანიის თასის 1/32-ფინალში ილერტისენის წინააღმდეგ ჩაატარებს. მატჩი 16 აგვისტოს, 17:30 საათზე გაიმართება.