ლუის ენრიკე: "სეზონის მთავარი მიზანი ჩემპიონთა ლიგის ზედიზედ მესამედ მოგება იქნება"

პარი სენ-ჟერმენის მთავარმა მწვრთნელმა - ლუის ენრიკემ, ახალი სეზონის წინ პარიზელთა უდიდეს ამბიციებზე ისაუბრა. ესპანელი სპეციალისტის თქმით, მისი გუნდის მიზანი ევროპული ფეხბურთის ისტორიის გადაწერა და მადრიდის რეალის ლეგენდარული მიღწევის გათანაბრებაა.

პარიზულმა გრანდმა ლუის ენრიკეს ხელმძღვანელობით ევროპის მთავარი საკლუბო ტიტულის ზედიზედ ორჯერ მოპოვება უკვე შეძლო.

პირველი ტრიუმფი - ფინალში მილანის ინტერი შთამბეჭდავი ანგარიშით, 5:0 გაანადგურეს.

მეორე ტრიუმფი - 2025/2026 წლების სეზონის ფინალში ლონდონის არსენალთან მძიმე ბრძოლაში, ძირითადი დროის 1:1 დასრულების შემდეგ, პენალტების სერიაში მოიპოვეს გამარჯვება.

ახლა კი პარიზულ გრანდს შანსი აქვს გახდეს ისტორიაში მხოლოდ მეორე კლუბი, რომელიც ჩემპიონთა ლიგის თასს ზედიზედ მესამედ აღმართავს.