ლუიჯი რივა 79 წლის ასაკში გარდაიცვალა

იტალიელი ფეხბურთის ლეგენდა, ლუიჯი რივა 79 წლის ასაკში გარდაიცვალა.

La Gazzetta dello Sport-ის ინფორმაციით, მისი გარდაცვალების მიზეზი გულის შეტევაა.

რივა კარიერის განმავლობაში ,,ლენიანოსა'' და ,,კალიარიში'' თამაშობდა. თავდამსხმელმა სარდინიულ გუნდთან ერთად 1969-70 წლების სეზონში სერია A-ს მოგება შეძლო.

ლეგენდარული ფეხბურთელი, რომელიც 35 გოლით იტალიის ეროვნული ნაკრების ყველა დროის საუკეთესო ბომბარდირია, 1968 წელს ,,სკუადრა აძურასთან'' ერთად ევროპის ჩემპიონი გახდა, 1970 წელს კი მსოფლიო ჩემპიონატზე ვერცხლის მედალს დაეუფლა.