"ლივერპულის ძირითადი მეკარეობისთვის ვიბრძოლებ" - გიორგი მამარდაშვილი

როგორც მოგეხსენებათ, გიორგი მამარდაშვილი მომავალი სეზონიდან "ლივერპულის" კარს დაიცავს. ინგლისურმა გუნდმა ქართველი ფეხბურთელი 35 მილიონი ევროს სანაცვლოდ შეიძინა.

აღსანიშნავია, რომ ეს ტრანსფერი ბევრისთვის უცნაური აღმოჩნდა, რადგან "მერსისაიდელთა" ძელებს შორის ალისონ ბეკერი კვლავ დამაჯერებლად დგას. ქართველი გულშემატკივრის ნაწილი შიშობს, რომ მამარდას სათადარიგოთა სკამზე მოუწევს ჯდომა. 23 წლის კიპერმა ამ საკითხთან დაკავშირებით კომენტარი გააკეთა.

აქვე იმასაც შეგახსენებთ, რომ გიორგი ჯერ კიდევ "ვალენსიას" რიგებში ირიცხება. მიუხედავად მამარდაშვილის დამაჯერებელი თამაშებისა, "ღამურები" არც ისე კარგად გამოიყურებიან. ლა ლიგის 9 ტურის შემდეგ, კლუბი გასავარდნ ზონაშია და ცხრილში მე-18 პოზიციას იკავებს. აღსანიშნავია, რომ რუბენ ბარახას გუნდმა ბოლო 5 შეხვედრიდან მხოლოდ 1 მოიგო.