ლიონმა მონპელიე დაამარცხა | გიორგი მიქაუტაძის შეფასება

საფრანგეთის ლიგა 1-ის მე-16 ტურის შეხვედრაში "ლიონმა" "მონპელიე" 1:0 დაამარცხა. მატჩში ხალილ ფაიადის ავტოგოლი ვიხილეთ და ეს დამატებულ 90+1 წუთზე მოხდა.

გიორგი მიქაუტაძე შეხვედრაში 76-ე წუთზე ჩაერთო. ქართველი ფეხბურთელი Sofascore-მა 6.2-ით შეაფასა. ჟორჟი ბურთს 15-ჯერ შეეხო, 7 გადაცემა შეასრულა და ყველა ზუსტი იყო (100%).

"ლიონი" ლიგა 1-ის ცხრილში 28 ქულით მე-5 პოზიციაზეა (8 მოგება, 4 ფრე, 4 მარცხი). მომდევნო შეხვედრას ქართველი ფეხბურთელის გუნდი 11 იანვარს 20:00 საათზე "ბრესტის" წინააღმდეგ ჩაატარებს.

გიორგი მიქაუტაძეს მიმდინარე სეზონში 4 გოლი და 1 საგოლე გადაცემა აქვს.