ლევერკუზენი ლა ლიგის ფეხბურთელის ტრანსფერით ინტერესდება
"ლევერკუზენი", რომელიც ბუნდესლიგის მიმდინარე სეზონში ფენომენალურად ასპარეზობს, "ბეტისის" ფეხბურთელის შეძენით ინტერესდება. აღნიშნულ ინფორმაციას, ცნობილი იტალიელი სპორტული ჟურნალისტი - ფაბრიციო რომანო ავრცელებს.
ფაბრიციო რომანოს მტკიცებით, ბუნდესლიგის ლიდერმა ბორხა იგლესიასის ტრანსფერის თაობაზე, "ბეტისს" ოფიციალური წინადადებით უკვე მიმართა. გერმანელებს ფეხბურთელის იჯარით დამატება სურთ, სამომავლოდ გამოსყიდვის უფლებით, მაგრამ, "ბეტისი" მხოლოდ პირდაპირი გაყიდვითაა დაინტერესებული.
31 წლის ბორხა იგლესიასი "ბეტისის" ღირსებას 2019 წლიდან იცავს და ამ დროის განმავლობაში, ლა ლიგის 139 მატჩში, 39 გოლის გატანა შეძლო.
🔴⚫️🇪🇸 Bayer Leverkusen have now made formal approach to sign Borja Iglesias.
— Fabrizio Romano (@FabrizioRomano) January 22, 2024
Bayer and Real Betis are in talks, loan with buy option clause offered today.
Betis are only open to permanent move, as of now — but talks will continue. pic.twitter.com/2CkqMEdDfR