ლაპორტა: ,,ჩემთვის მესი კრუიფისა და მარადონას ნაზავია''

,,ბარსელონას'' პრეზიდენტმა, ჟოან ლაპორტამ, ისაუბრა საუკეთესო ფეხბურთელებზე, რომლებსაც კატალონიურ გუნდში უთამაშიათ:

,,კამპ ნოუ ჩემი ცხოვრებაა. აქ 4 წლის ასაკიდან დავდივარ. ,,ბარსელონას'' გულშემატკივრები ყოველთვის პრივილეგირებულები იყვნენ. ჩვენ ვნახეთ კრუიფი, მარადონა, შუსტერი, რონალდო, რივალდო, რონალდინიო, რომარიო, სტოიჩკოვი.

საუკეთესო მესი იყო, ჩემთვის ის კრუიფისა და მარადონას ნაზავია,'' - განაცხადა ლაპორტამ.

ლეო მესი ,,ბარსელონაში'' 2004-2021 წლებში თამაშობდა. არგენტინელის ანგარიშზე კატალონიური გუნდის მაისურით ჩატარებულ 778 შეხვედრაში 672 გოლი და 303 საგოლე გადაცემაა.