კრიშტიანუ რონალდუს ვაჟმა ერთ მატჩში 10 გოლი გაიტანა

კრიშტიანუ რონალდუ "ალ ნასრის" ღირსებას 2023 წლიდან იცავს. საუდის არაბეთში გადასვლის შემდეგ, მისი შვილიც ამ კლუბის ნაწილია და ახლა ალ ნასრის 15-წლამდელებში თამაშობს - კრიშტიანუ რონალდუ უმცროსი საოცარი შედეგიანობით გამოირჩევა.

გუშინ, ალ ნასრი (U15) ალ იტიჰადის თანატოლებს დაუპირისპირდა და შეხვედრა 10:9 მოიგო - გუნდის ათივე გოლი კრიშტიანუ რონალდუს შვილმა გაიტანა.

რამდენიმე დღის წინ, ალ ნასრის მოზარდთა გუნდი "ალ ჰილალს" შეხვდა და ის მატჩი 7:0 მოიგო - ამ შემთხვევაშიც, ალ ნასრის შვიდივე გოლი რონალდუ უმცროსის ანგარიშზეა. საერთო ჯამში, კრისშტიანუს ვაჟმა, ბოლო 2 შეხვედრაში 17 გოლის გატანა მოახერხა.

გოლების გატანას არ წყვეტს ოქროს ბურთის 5-გზის მფლობელიც, აზიის ჩემპიონთა ლიგაზე, "ალ ვასლთან" მატჩში, რონალდუმ დუბლი შეასრულა და კარიერაში 923 გოლი დაუგროვდა. კრიშტიანუ ზედიზედ 4 შეხვედრაა მინდორს გოლის გარეშე არ ტოვებს.