კილიან მბაპეს ბერნაბეუზე პრეზენტაციას 85 000 ადამიანი დაესწრება

სამშაბათს "სანტიაგო ბერნაბეუზე" კილიან მბაპეს პრეზენტაცია შედგება. ეს არის დღე, რომელსაც ფლორენტინო პერესი დიდი ხნის განმავლობაში ელოდა და ამის აღნიშვნას გრანდიოზული ღონისძიებით აპირებს. კლუბმა უკვე დაადასტურა, რომ სტადიონის ყველა ბილეთი უკვე გაყიდულია და ფრანგი ფეხბურთელის წარდგენას 85 000 ადამიანი დაესწრება.

მბაპე რეალში 9-ნომრიან მაისურს მოირგებს, ის მადრიდში ოჯახთან ერთად იქნება. რეალმა ღონისძიებაზე კლუბის რამდენიმე ლეგენდაც მიიწვია.