ხორვატების დიდი დარტყმა - ვლასიჩი ვეღარ ითამაშებს, დალიჩი ახალ ფეხბურთელს ვერ დაიმატებს
ხორვატიის ეროვნული ნაკრებისა და "ტორინოს" 26 წლის შემტევმა ნახევარმცველმა - ნიკოლა ვლასიჩმა ტრავმა მიიღო და ევროპის ჩემპიონატზე თამაშს ვეღარ შეძლებს.
ამასთან ერთად, ხორვატიის ნაკრების მთავარ მწრთნელს - ზლატკო დალიჩს, სხვა ალტერნატიული ფეხბურთელის გამოძახების საშუალება არ მისცეს, შესაბამისად ხორვატიის ნაკრებს შემადგელობაში ერთით ნაკლები ფეხბურთელი ეყოლება, მაშინ როდესაც, მათი საქმე ისედაც საკმაოდ რთულადაა.
#Croatia international Nikola Vlašić will leave the national team basecamp and miss the rest of the #EURO2024 due to a muscle injury.
— HNS (@HNS_CFF) June 18, 2024
"Nikola invested a lot of effort to help the team at the EURO 2024, and he is an integral part of the squad. Unfortunately, this second injury… pic.twitter.com/E9uiA8GdL3
ვლასიჩის ტრავმასთან დაკავშირებით, ნაკრების მთავარმა მწვრთნელმა - ზლატკო დალიჩმა ისაუბრა.
"ნიკოლამ დიდი ძალისხმევა დახარჯა, რათა დახმარებოდა გუნდს ევრო 2024-ზე და ის გუნდის განუყოფელი ნაწილია. სამწუხაროდ, მეორე ტრავმამ შეაწუხა და მე შემიძლია მას მხოლოდ მადლობა გადავუხადო იმ ყველაფრისთვის, რაც გააკეთა..." - ზლატკო დალიჩი
შეგახსენებთ, რომ ხორვატიის ნაკრები ევროპის ჩემპიონატის პირველ ტურში ესპანეთთან 3:0 განადგურდა. ამ მატჩში ვლასიჩი სამატჩო განაცხადში იყო და სათადარიგოთა სკამზე იჯდა, თუმცა მეორე ტაიმში იგი მოედანზე არ შემოსულა.
19 ივნისს, ევროპის ჩემპიონატის მეორე ტურში, ხორვატიის ნაკრები ალბანეთს დაუპირისპირდება და პირველი ქულების მოპოვებას შეეცდება.
სხვა სტატიები
