კარლო ანჩელოტიმ მადრიდის რეალის რეკორდი დაამყარა

ფიფა ინტერკონტინენტალის თასის ფინალში მადრიდის ,,რეალმა'' ,,პაჩუკა'' 3:0 დაამარცხა.

ეს კარლო ანჩელოტისთვის ,,სამეფო გუნდში'' მე-15 ტიტული იყო, რაც ,,რეალის'' მწვრთნელებს შორის ყველა დროის საუკეთესო შედეგია. 65 წლის სპეციალისტმა მიგელ მუნიოსის რეკორდი გააუმჯობესა, რომელიც კლუბს 1960-1974 წლებში წვრთნიდა.

ანჩელოტის ახლა ,,რეალთან'' ერთად ლა ლიგა (2-ჯერ), კოპა დელ რეი (2-ჯერ), ესპანეთის სუპერთასი (2-ჯერ), ჩემპიონთა ლიგა (3-ჯერ), უეფას სუპერთასი (3-ჯერ), მსოფლიოს საკლუბო ჩემპიონატი (2-ჯერ) და ფიფა ინტერკონტინენტალის თასი აქვს მოგებული.

,,რეალის'' ყველაზე წარმატებული მწვრთნელები ტიტულების რაოდენობით:

1. კარლო ანჩელოტი - 15 ტიტული

2. მიგელ მუნიოსი - 14 ტიტული

3. ზინედინ ზიდანი - 11 ტიტული

4. ლუის მოლოვნი - 8 ტიტული

5. ვისენტე დელ ბოსკე - 7 ტიტული