კარლო ანჩელოტი: 'ვინისიუსს ვუთხარი, რომ არასწორად მოიქცა'

ბრაზილიის ნაკრების მთავარმა მწვრთნელმა, კარლო ანჩელოტიმ, ვინისიუს ჟუნიორის შესახებ ისაუბრა. იტალიელმა გაამხილა, რომ ნაკრებში მისმა შეგირდმა შენიშვნა დაიმსახურა.

სეზონის პირველ 'ელ კლასიკოში' (რეალი 2:1 ბარსელონა), ვინისიუსმა აგრესიული რეაქცია გამოავლინა მაშინ, როდესაც ხაბი ალონსომ ის როდრიგოთი შეცვალა, ფეხბურთელმა მწვრთნელთან ხელის ჩამორთმევაზე უარი თქვა და პირდაპირ გასახდელისკენ გაემართა.

'პაპა კარლომ' ნოემბერში ჩანიშნული ამხანაგური შეხვედრებისთვის, ბრაზილიის 26-კაციანი შემადგენლობა დაასახელა, რომელშიც, რა თქმა უნდა, ვინისიუს ჟუნიორიც მოხვდა.

ბრაზილიის ნაკრები 15 ნოემბერს, ლონდონში, ემირეიტს-სტედიუმზე, სენეგალს შეხვდება, 18-ში კი ლილის სტადიონზე (საფრანგეთი) ტუნისს დაუპირისპირდება.