ჯუდ ბელინგემს კიდევ ერთი ჯილდო გადაეცა
ჯუდ ბელინგემი ლა ლიგაში კიდევ ერთხელ გამოარჩიეს. ამჯერად, ინგლისელი წინა სეზონის საუკეთესო ფეხბურთელად კოლეგებმა დაასახელეს.
ესპანეთის ჩემპიონატის 2023-2024 წლების საუკეთესო ფეხბურთელის ჯილდო, ბელინგემს, Premios AFE-მა (ესპანეთის ფეხბურთელთა ასოციაცია) გადასცა. ამ შემთხვევაში, ხმის მიცემის პროცესში, თავად ფეხბურთელები მონაწილეობდნენ. ჯუდმა 28 მატჩში 19 გოლი გაიტანა და 6 საგოლე გადაცემა გააკეთა - 21 წლის ფეხბურთელი აღფრთოვანებული იყო ლა ლიგაში მოთამაშე თავისი კოლეგების გადაწყვეტილებით.
მადლობა, რომ ხმა მომეცით, როგორც AFE-ს სეზონის მოთამაშეს, ძალიან ვამაყობ - განაცხადა ბელინგემმა
Jude Bellingham receiving the best La Liga player of the 23/24 season award by The Spanish Association of Professional Footballers in Spain (AFE) 🌟 pic.twitter.com/iXSPTD6Rw9
— Ria (@itsjudithworld) November 25, 2024
ბელინგემი, გასულ სეზონში, "რეალის" ნამდვილი აღმოჩენა იყო, ფეხბურთელმა ლოს ბლანკოსთან ერთად ლა ლიგისა და ჩემპიონთა ლიგის თასი მოიგო. მან მესამე ადგილი დაიკავა წლევანდელი ოქროს ბურთის დაჯილდოებაზე.
.70.webp)
სხვა სტატიები
