ჯერარდმა სუარესსა და ტორესს შორის საუკეთესო დაასახელა

"ამ კითხვაზე პასუხის გაცემა ხშირად მიწევს. ორივე მათგანი ფენომენალურია, მაგრამ უპირატესობას სუარესს ვანიჭებ - მას ყველაფერი გააჩნდა. ისეთი ვარსკვლავების გვერდით ვთამაშობდი, როგორიცაა: ხაბი ალონსო, ხავიერ მასკერანო, ფერნანდო ტორესი - თუმცა სუარესი ყველასგან გამორჩეული იყო. მნიშვნელობა არ ჰქონდა, თუ ვის წინააღმდეგ ვთამაშობდით, ყოველთვის მქონდა განცდა, რომ სუარესთან ერთად, ნებისმიერ თამაშს მოვიგებდით".  "სუარესი ვარჯიშობდა ისე, როგორც თამაშობდა. მახსოვს ერთ-ერთი მთავარი ვარჯიშის შემდეგ კარა მეუბნებოდა: "ვარჯიშებზე ყოველდღე მის წინააღმდეგ თამაში არ მსურს". ის ვარჯიშობდა ინტენსიურად და ვარჯიშზეც კი შეეძლო ისეთი გასაოცარი მოძრაობის შესრულება, რის შემდეგაც ნებისმიერს შერცხვენილს ტოვებდა", - აღნიშნავს სტივენ ჯერარდი.