ირაკლი იეგოიანის სატრანსფერო ღირებულება გაორმაგდა - Transfermarkt

საქართველოს ეროვნული ნაკრებისა და ექსელსიორის ფეხბურთელის ირაკლი იეგოიანის სატრანსფერო ღირებულება საგრძნობლად გაიზარდა, 22 წლის ნახევარმცველის ფასი თითქმის გაორმაგდა და 3.5 მილიონი ევრო გახდა და ის ამჟამად კარიერის მაქსიმუმზეა. აქამდე ირაკლის ღირებულება 1.8 მილიონ ევროს შეადგენდა.

ირაკლი იეგოიანმა კარიერა აიაქსის ახალგაზრდულ გუნდში დაიწყო, შემდეგ ტვენტეს ასაკობრივებში ასპარეზობდა, მისი პროფესიონალური დებიუტი კი ვიტესში შედგა, ხოლო გასული წლიდან დღემდე ექსელსიორში თამაშობს.

ირაკლი იეგოიანმა საკლუბო დონეზე მიმდინარე სეზონი შესანიშნავად დაიწყო, გასულ 7 ტურში მან 2 გოლი გაიტანა და 5 საგოლე გადაცემა მიითვალა.