ინტერ მაიამისთან მატჩში გაფუჭებული პენალტის შემდეგ, ალ აჰლიმ ტრეზეგე დააჯარიმა

ალ აჰლიმ გუნდის შემტევს, მაჰმუდ ჰასანს, იგივე ტრეზეგეს, რომელმაც ინტერ მაიამისთან მსოფლიოს საკლუბო ჩემპიონატის გახსნით მატჩში პენალტი ვერ გამოიყენა, ფინანსური ჯარიმა დააკისრა.

როგორც აღმოჩნდა, გუნდში თერთმეტმეტრიანების მთავარი შემსრულებელი ვესამ აბუ ალია, თუმცა ტრეზეგემ წესები დაარღვია და პენალტის დარტყმა თავად გადაწყვიტა.

ეგვიპტური მედიის ცნობით, ფეხბურთელმა სასჯელი მიიღო და თანაგუნდელებსა და მთავარ მწვრთნელს ბოდიშიც მოუხადა.

ალ აჰლისა და ინტერ მაიამის მატჩი უგოლოდ, 0:0 დასრულდა. მომავალ ტურში ეგვიპტელთა მეტოქე პალმეირასი იქნება.