გიოზთეფემ გუგეშაშვილთან დაკავშირებით გადაწყვეტილება მიიღო

ლუკა გუგეშაშვილი ზამთრის სატრანსფერო ფანჯრის განმავლობაში გიოზთეფეს დატოვებს - აღნიშნულ ინფორმაციას თურქული მედია ავრცელებს. სხვადასხვა წყაროს მტკიცებით, გიოზთეფე ქართველ მეკარეს, რომელიც დისციპლინარული მიზეზების გამო ძირითადი გუნდიდანაა მოკვეთილი, კლუბში აღარ დააბრუნებს.

თავდაპირველად გავრცელდა ინფორმაცია, რომ გუგეშაშვილი ძირითად გუნდს სადისციპლინო საქმისწარმოების დასრულებამდე ჩამოშორდებოდა, თუმცა როგორც ჩანს, გიოზთეფე ქართველ მეკარეს საერთოდ აღარ ათამაშებს, რადგან ინციდენტიდან 3 კვირის შემდეგაც კი ჩამოშორებულია ძირითად გუნდს.

შეგახსენებთ, რომ ლუკა გუგეშაშვილი ბერზნული პაოკის საკუთრებაა და გიოზთეფეს სეზონის დაწყებამდე, იჯარის წესით შეუერთდა.