გიორგი მერებაშვილი: "მცირე უპირატესობა ბათუმელთა მხარესაა და მათ ეს შანსი უნდა გამოიყენონ"

"ჩემი აზრით საინტერესო მატჩი უნდა იყოს, რადგანაც ორივე ძალიან კარგი გუნდია, საინტერესო ფეხბურთელებით დაკომპლექტებული და შემტევი ფეხბურთის მოთამაშე. ვფიქრობ, შანსები 50/50-ზეა, თუმცა მცირე უპირატესობას "დინამო ბათუმს" მივანიჭებდი, რადგან მათთან სეზონი უკვე დაწყებულია და ეს მათ უკეთეს ფიზიკურ ფორმაში ამყოფებს. იგივეს "ლეხის" ფეხბურთელებზე ვერ ვიტყოდი და ამის დასტური მათ მიერ ჩატარებული სეზონის საწყისი შეხვედრებია. "დინამო ბათუმისთვის" მნიშვნელოვანია, რომ სწრაფი გოლი არ გაუშვას, რადგანაც "ლეხს" მეორე ტაიმში ძალიან უჭირს თავის დაცვა, თავისუფალი ზონები ეხსნება და ეს ქართულ გუნდს შეტევაში უპირატესობას ანიჭებს.