გიორგი მამარდაშვილის შეფასება გალათასარაისთან მატჩში

დღეს გიორგი მამარდაშვილმა ჩემპიონთა ლიგაზე სადებიუტო შეხვედრა ჩაატარა.

გალათასარაისა და ლივერპულის მატჩის (1:0) მეორე ნახევარში ალისონმა ტრავმა მიიღო, რის გამოც მოედანი ნაადრევად დატოვა, მის ნაცვლად კი თამაშში სწორედ ქართველი მეკარე ჩაერთო.

გიორგი მამარდაშვილმა მოედანზე 40 წუთზე მეტი გაატარა და SofaScore-სგან 6.5-ქულიანი შეფასება მიიღო.

მამარდამ, რომელიც ბურთს სულ 19-ჯერ შეეხო, 18-დან 14 (78%) ზუსტი გადაცემა გააკეთა.

6 ქულით შეაფასა გიორგის თამაში Whoscored-მა, 6.2-ით კი - Flashscore-მა.

ლივერპული მომდევნო მატჩს შაბათს, 4 ოქტომბერს, პრემიერლიგაში, ჩელსისთან სტუმრად გამართავს.