გიორგი ჭიაბრიშვილი დინამო ბათუმის მთავარ მწვრთნელად დაინიშნა

,,დინამო ბათუმის'' მთავარ მწვრთნელად გიორგი ჭიაბრიშვილი დაინიშნა.

გუნდმა ყოფილი მწვრთნელი, ანდრეი დემჩენკო 8 ოქტომბერს, დირექტორთა საბჭოს გადაწყვეტილებით, 2024 წლის სეზონში ნაჩვენები არადამაკმაყოფილებელი შედეგების გამო გაათავისუფლა.

გიორგი ჭიაბრიშვილი ბოლოს ,,დინამო თბილისში'' მუშაობდა და საქართველოს ყველაზე ტიტულოვან გუნდთან ერთად ეროვნული ლიგა და ქვეყნის სუპერთასი მოიგო.

ეროვნული ლიგის 28 ტურის შემდეგ, ,,დინამო ბათუმი'' 42 ქულით სატურნირო ცხრილის მე-4 პოზიციაზეა.