,,ბარსელონას'' ახალი ხელმძღვანელობისთვის ლეო მესის შენარჩუნება მნიშვნელოვანი ამოცანაა. კატალონიელები არგენტინელს სამუდამო კონტრაქტს სთავაზობენ, რაც, მათი აზრით, მოლაპარაკებებში, შესაძლოა, გადამწყვეტი გამოდგეს.
ესპანური As-ის ცნობით, ლეოს მოლაპარაკება სურს და მზადაა, გუნდის ახალ პრეზიდენტს, ჟოან ლაპორტას, მამის - ხორხე მესის გარეშე შეხვდეს.
ახალი ხელშეკრულების თანახმად, მესი ,,ბარსელონასგან'' ხელფასს სიცოცხლის ბოლომდე მიიღებს, თუმცა ანაზღაურება შეუწყდება თუ კარიერას აშშ-ში ან ყატარში დაასრულებს.
ლეოს ,,ბლაუგრანასთან'' კონტრაქტი 2021 წლის ზაფხულამდე აკავშირებს. მიმდინარე სეზონში არგენტინელის ანგარიშზე ,,ბარსელონას'' მაისურით ჩატარებულ 37 შეხვედრაში 29 გოლი და 13 საგოლე გადაცემაა.