"გატუზოს მწვრთნელობის პერიოდი ნაპოლიში ჩემთვის საშინელება იყო" - ირვინგ ლოზანო

"ნაპოლის" ყოფილმა ფეხბურთელმა ირვინგ "ჩაკი" ლოზანომ ნეაპოლურ გუნდში გატუზოსთან მუშაობის პერიოდი გაიხსენა და თქვა რომ ძალიან რთული პერიოდი გამოიარა, რადგან ძალიან გაუჭირდა იტალიელ სპეციალისტთან საერთო ენის გამონახვა.

მექსიკელი ფეხბურთელი იტალიაში 2019 წელს გადავიდა და მისი მთავარი მწვრთნელი თავდაპირველად კარლო ანჩელოტი იყო. შემდეგ "ნაპოლიში" ჯენარო გატუზო დაინიშნა და ლოზანოსთვის პროფესიულ კარიერაში ეს ყველაზე რთული პერიოდი გამოდგა.

შეგახსენებთ, ლოზანო ნეაპოლურ გუნდში 2019-დან 2023 წლამდე ასპარეზობდა და 120 მატჩში 23 გოლი გაიტანა. 2019/20 წლებში იტალიის თასის გამარჯვებული გახდა, შარშან 2022/23 წლების სეზონში კი იტალიის სერია ა-ს ჩემპიონის ტიტული მოიპოვა.

2023/24 წლების სეზონში მექსიკელი ფეხბურთელი "პსვ"-ში გადავიდა, სადაც უკვე 9 მატჩში 5 გოლის გატანა მოახერხა.