გასპერინი: "ის პენალტების ერთ-ერთი ყველაზე ცუდად შემსრულებელი ფეხბურთელია"

"ატალანტა" ჩემპიონთა ლიგას პლეი ინიდან დაემშვიდობა. ყველასათვის მოულოდნელად, იტალიური კლუბი "ბრიუგემ" დაამარცხა და ბელგიელებმა მერვედფინალის საგზური მოიპოვეს. გადამწყვეტ შეხვედრაში, რომელსაც ატალანტა საკუთარ მოედანზე ატარებდა, სტუმრებმა 1:3 გაიმარჯვეს, პირველი შეხვედრა კი 2:1 ჰქონდათ მოგებული.

ბრიუგემ პირველი ნახევარი 0:3 მოიგო. გასპერინიმ მეორე ტაიმი ადემოლა ლუკმანს დააწყებინა და ნიგერიელმაც 46-ე წუთზე შეძლო ერთი ბურთის გაქვითვა. 61-ე წუთზე მას პენალტის გატანაც შეეძლო, თუმცა ცუდად შეასრულა, იტალიელი სპეციალისტი ამ მომენტის გამო გაბრაზებული იყო.

ორი მატჩის ჯამში, ატალანტა 2:5 დამარცხდა და წყვილში აუტსაიდერად შეფასებული ბრიუგე ბრძოლას აგრძელებს. იტალიური კლუბებისთვის პლეი ინი საშინლად მიმდინარეობს, მერვედფინალში ვერ გავიდა ვერც "მილანი", "ფეიენოორდმა" იტალიური გრანდი, ორი მატჩის ჯამში, 2:1 დაამარცხა.