განრისხებულმა ფანებმა ფეხბურთელებისა და მწვრთნელის ავტომობილები დაწვეს | PHOTO/VIDEO

საფეხბურთო კლუბი "ალდოსივი" არგენტინის უმაღლეს ჩემპიონატში (Liga Profesional) კატასტროფულად ასპარეზობს. განვლილ 13 ტურში, მარ დელ პლატაში ბაზირებულმა კლუბმა მხოლოდ 8 ქულის დაგროვება შეძლო და სატურნირო ცხრილში ბოლოსწინა ადგილზე იმყოფება. კიდევ უფრო საგანგაშოა გატანილი და გაშვებული გოლების თანაფარდობა - "ალდოსივის" ფეხბურთელებმა მხოლოდ 7 გოლის გატანა შეძლეს, მოწინააღმდეგე გუნდებს კი 21 გოლის გატანის შესაძლებლობა მისცეს. არგენტინის უმაღლეს დივიზიონში "ალდოსივიმ" ყველაზე ცოტა გოლი გაიტანა და ყველაზე მეტი გაუშვა. საფეხბურთო კლუბს მოედანზე და მოედნის მიღმა არც ისე სახარბიელო სიტუაცია აქვს, რაც გულშემატკივრების განწყობაზეც აისახება. 12 აგვისტოს, მე-13 ტურის შეხვედრაში "გოდოი კრუზისა" და "ალდოსივის" დაპირისპირება შედგა. მატჩი მასპინძელთა გამარჯვებით, 2:0 დასრულდა, რის შემდეგაც განრისხებულმა ფანებმა შურისძიება გადაწყვიტეს. "გოდოი კრუზთან" განცდილი მარცხის შემდეგ, გულშემატკივრები მარ დელ პლატაში მდებარე "ალდოსივის" ბაზაზე შეიჭრნენ. დაცვის თანამშრომლებმა ფანების შეჩერება ვერ შეძლეს, ხოლო იარაღით მუქარის შემდეგ, დაცვა იძულებული გახდა ფანებისათვის ბაზაზე შესასვლელი ჭიშკარი გაეღო.

Integrantes de la barra de Aldosivi ingresaron al predio del club e incendiaron los autos de los jugadores y cuerpo técnico del equipo. 📹 @okdobleamarilla pic.twitter.com/iucic6QUSM — VarskySports (@VarskySports) August 12, 2022