გალათასარაიმ მიქაუტაძისთვის ახალი შეთავაზება გაამზადა

თურქული გუნდი "გალათასარაი" გიორგი მიქაუტაძის ტრანსფერზე კვლავ აქტიურად მუშაობს და დანებებას არ აპირებს, ბოლო 24 საათში "გალათასარაიმ" 2-ჯერ გაზარდა შეთავაზება. "ლიონმა" 21 მილიონიანი შეთავაზება მალევე დაბლოკა, მაგრამ უახლესი ცნობებით თურქული გუნდი მზადაა, 23 მილიონი ევროს გადასახდელადაც.

Milliyet-ს ცნობით სატრანსფერო თანხა 20 მილიონი ევრო იქნება, ხოლო 3 მილიონს ფრანგული გუნდი ბონუსების სახით მიიღებს. "ლიონი" გიორგი მიქაუტაძის დათმობას ჯერჯერობით არ აპირებს, მაგრამ მხარეებს შორის მოლაპარაკებები გრძელდება.

შეგახსენებთ, რომ ბოლო დღეებში ასევე გავრცელდა ინფორმაცია, რომ გიორგი მიქაუტაძის ტრანსფერზე აქტიურად მუშაობენ ინგლისური "ევერტონი" და გერმანული "ლევერკუზენი"

ქართველ ფორვარდს მიმდინარე სეზონის ყველა ტურნირის 22 შეხვედრაში 7 გოლი და 1 საგოლე გადაცემა აქვს.