ფრენკ ლამპარდი სამწვრთნელო საქმიანობას უბრუნდება: ინგლისელი ჩემპიონშიფში იმუშავებს

ვეტერანი ინგლისელი ფეხბურთელი, ფრენკ ლამპარდი სამწვრთნელო კარიერას უბრუნდება.

46 წლის სპეციალისტი კონტრაქტს ჩემპიონშიფში მოთამაშე "ქოვენთრისთან" გააფორმებს.

ფრენკ ლამპარდი 2023 წლის ივნისის შემდეგ უმუშევარი გახლდათ. იმ დრომდე ის ლონდონის "ჩელსის" დროებითი მწვრთნელის რანგში ხელმძღვანელობდა.

სამწვრთნელო კარიერაში ფრენკ ლამპარდმა "ჩელსის" ახალგაზრდულ და მთავარ გუნდებში, "დერბი ქაუნთსა" და "ევერტონში" იმუშავა.

"ქოვენთრი" ჩემპიონშიფში 17 ტურის შემდეგ 17 ქულით მე-17 პოზიციას იკავებს. შემდეგ ტურში გუნდი უელსურ "კარდიფს", 30 ნოემბერს უმასპინძლებს.