ამერიკული ბიზნეს აუთლეტის მიერ გამოქვეყნებულ რეიტინგში, კრიშტიანუ რონალდუ 2020 წლის ყველაზე მაღალშემოსავლიან ფეხბურთელთა სათავეში მოგვევლინა.
პორტუგალიელმა სუპერვარსკვლავმა 2020 წელს 105 მილიონი დოლარი გამოიმუშავა, რაც ყველაზე მაღალანაზღაურებად ფეხბურთელთა რეიტინგის სათავეში მოსახვედრად საკმარისი აღმოჩნდა. მეორე ადგილი ლეო მესიმ დაიკავა. არგენტინისა და "ბარსელონას" ლიდერმა, 2020 წელს 104 მილიონი დოლარის გამომუშავება შეძლო. მესამე ადგილს კი ნეიმარი დასჯერდა, რომელმაც წლის განმავლობაში 95.5 მილიონი დოლარი დააგროვა.
1. კრიშტიანუ რონალდუ - 105 მილიონი დოლარი2. ლეო მესი - 104 მილიონი დოლარი3. ნეიმარი - 95.5 მილიონი დოლარი4. მოჰამედ სალაჰი - 35.1 მილიონი დოლარი5. კილიან მბაპე - 33.8 მილიონი დოლარი6. ანდრეს ინიესტა - 29.6 მილიონი დოლარი7. მესუთ იოზილი - 28.7 მილიონი დოლარი8. პოლ პოგბა - 28.5 მილიონი დოლარი9. ოსკარი - 27.5 მილიონი დოლარი10. ანტუან გრიზმანი - 26.7 მილიონი დოლარი
