ფიფას განახლებული რეიტინგი | საქართველოს ნაკრები ისევ დაქვეითდა

ნოემბრის სანაკრებო პაუზის შემდეგ, ფიფამ რეიტინგი განაახლა.

საქართველოს ეროვნული ნაკრები, რომელმაც გასულ კვირას ორივე შეხვედრა დათმო (ესპანეთთან და ბულგარეთთან), რეიტინგში 3 პოზიციით დაქვეითდა და ახლა 70-ე ადგილის ნაცვლად, 73-ე პოზიციზეა. ვილი სანიოლის გუნდს რეგრესი ჰქონდა ოქტომბერში განახლებულ რეიტინგშიც, მაშინ საქართველოს ნაკრებმა 2 პოზიცია დათმო.

70. იამაიკა

71. ბოსნია

72. განა

73. საქართველო

74. ისლანდია

75. ფინეთი

76. ბოლივია

ცვლილებები არ შეეხო პირველ ოთხეულს, რომელსაც კვლავ ესპანეთი, არგენტინა, საფრანგეთი და ინგლისი იკავებენ, თუმცა მე-5 ადგილზე გადაინაცვლა ბრაზილიამ - მსოფლიოს 5-გზის ჩემპიონებმა ნიდერლანდებსა და პორტუგალიას გადაუსწრეს. ათეულიდან დაქვეითდა იტალიის ეროვნული ნაკრები და ახლა მე-12 ადგილს იკავებს, მის ნაცვლად კი საუკეთესოთა შორის ხორვატია მოხვდა:

1. ესპანეთი

2. არგენტინა

3. საფრანგეთი

4. ინგლისი

5. ბრაზილია

6. პორტუგალია

7. ნიდერლანდები

8. ბელგია

9. გერმანია

10. ხორვატია