ევრო 2024-ის 21 მონაწილე ცნობილია

დღეს ევროპის 2024 წლის ჩემპიონატის საკვალიფიკაციო ჯგუფური ეტაპი დასრულდა.

ბოლო ტურში დიდი ინტრიგა იყო D ჯგუფში, სადაც ევროპის ჩემპიონატზე გასვლის შანსი ხორვატიასა და უელსს ჰქონდათ. ხორვატებმა შინ სომხეთის დამარცხება შეძლეს და ტურნირის საგზური მეორე ადგილით გაიფორმეს.

ევრო 2024-ის მონაწილეები:

• გერმანია - მასპინძელი

• A ჯგუფიდან - ესპანეთი, შოტლანდია

• B ჯგუფიდან - საფრანგეთი, ნიდერლანდები

• C ჯგუფიდან - ინგლისი, იტალია

• D ჯგუფიდან - თურქეთი, ხორვატია

• E ჯგუფიდან - ალბანეთი, ჩეხეთი

• F ჯგუფიდან - ბელგია, ავსტრია

• G ჯგუფიდან - უნგრეთი, სერბეთი

• H ჯგუფიდან - დანია, სლოვენია

• I ჯგუფიდან - რუმინეთი, შვეიცარია

• J ჯგუგიდან - პორტუგალია, სლოვაკეთი

ევროპის ჩემპიონატის ბოლო სამი მონაწილე 2024 წლის მარტში, შესარჩევი ეტაპის პლეი-ოფში გაირკვევა, სადაც საქართველოს ნაკრებიც მონაწილეობს.

ჩვენი გუნდი 21 მარტს ნახევარფინალურ შეხვედრას ლუქსემბურგის წინააღმდეგ გამართავს, გამარჯვების შემთხვევაში კი ფინალში (26 მარტს) საბერძნეთს ან ყაზახეთს დაუპირისპირდება.

• ევროპის 2024 წლის ჩეპიონატი გერმანიაში გაიმართება. ტურნირი 14 ივნისს დაიწყება და 14 ივლისს დასრულდება.

• ევროპის მოქმედი ჩემპიონი იტალიის ნაკრებია, რომელმაც ფინალში ინგლისს მოუგო.