ესპანურ პრესაში ბარსელონას მთავარი სატრანსფერო სამიზნე სახელდება

,,მანჩესტერ სიტის'' თავდამსხმელმა, რაჰიმ სტერლინგმა, კარიერა, შესაძლოა, ესპანეთში გააგრძელოს. ინფორმაციას Sport.es-ი ავრცელებს. გამოცემის ცნობით, 26 წლის ფეხბურთელის გადაბირებით ინტერესდება ,,ბარსელონა'', რომლისთვისაც სტერლინგი ზამთარში მთავარი სატრანსფერო სამიზნე იქნება. გასულ ზაფხულს კატალონიელები ინგლისელის არენდით გადაყვანას ცდილობდნენ, თუმცა შემტევი ,,მანჩესტერ სიტიში'' დარჩა. სტერლინგი ,,ქალაქელების'' ღირსებას 2015 წლიდან იცავს და კლუბთან კონტრაქტი 2023 წლამდე აკავშირებს. გასულ სეზონში რაჰიმმა ,,სიტის'' მაისურით ჩატარებულ 49 შეხვედრაში 14 გოლი გაიტანა და 12 საგოლე გადაცემა მიითვალა.

Barcelona 'keen on January Raheem Sterling transfer' as Man City star considers exithttps://t.co/KYN7sjrp21 — Express Sport (@DExpress_Sport) September 18, 2021