ერთ-ერთი საუკეთესო მოედანზე - რა შეფასება დაიმსახურა ზურიკო დავითაშვილმა?!

სენტ-ეტიენი საფრანგეთის ლიგა 2-ის მესამე ტურში გრენობლს დაუპირისპირდა და 4:0 გაიმარჯვა.

სენტ-ეტიენის ქართველი ვარსკვლავი, ზურიკო დავითაშვილი სათადარიგოთა სკამზე იყო და მოედანზე 27-ე წუთზე შევიდა. დავითაშვილმა მასპინძელი გუნდის თამაშში ჩვეული სილაღე შეიტანა, მინდორზე გამორჩეული იყო და თანაგუნდელთან ერთად, ერთ-ერთი საუკეთესო შეფასებაც დაიმსახურა.

სტატისტიკის მწარმოებელმა ავტორიტეტულმა პლატფორმებმა ზურიკო დავითაშვილის თამაში შემდეგნაირად შეაფასეს:

• Sofascore: 8.1

• Flashscore: 8.1

საფრანგეთის ლიგა 2-ის მიმდინარე სეზონში სენტ-ეტიენმა ზედიზედ მესამე მატჩი მოიგო და სატურნირო ცხრილის სათავეშია.