ენცო მარესკა: "ჟოტა პედრო ნეტუს უახლოესი ადამიანი იყო - თავად გადაწყვიტოს, ითამაშებს თუ არა"

ფიფას საკლუბო მსოფლიო ჩემპიონატზე 1/4-ფინალური ეტაპების მატჩების დრო დადგა, რომელიც სტარტს 4 ივლისს, თბილისის დროით 23:00 საათზე, ფლუმინენსესა და ალ ჰილალის მატჩით აიღებს.

5 ივლისს გამთენიისას, 05:00 საათზე კი პალმეირასისა და ჩელსის 1/4-ფინალური მატჩი შედგება. მატჩისწინა პრესკონფერენციაზე, ჩელსის მთავარმა მწვრთნელმა საუბარი დიოგუ ჟოტაზე დაიწყო და მიუსამძიმრა გარდაცვლილის ოჯახს, მეგობრებსა და სრულიად საფეხბურთო სამყაროს.

ჩელსის ერთ-ერთი პორტუგალიელი შემტევი - პედრო ნეტუ, რომელიც ნაკრებში ჟოტას თანაგუნდელი და უახლოესი მეგობარი იყო, თავს ძალიან ცუდად გრძნობს და უცნობია, შეძლებს თუ არა თამაშს პალმეირასის წინააღმდეგ. სწორედ ამ ფაქტზე ისაუბრა იტალიელმა მწვრთნელმა.

მსოფლიოს საკლუბო ჩემპიონატის ფინალი 13 ივლისს, ნიუ ჯერსიში, MetLife Stadium-ზე გაიმართება.