დორტმუნდმა პუმასთან ახალი, 9-წლიანი კონტრაქტი გააფორმა

დორტმუნდისა და პუმას პარტნიორობა კიდევ 9 წლით, 2034 წლამდე გაგრძელდება.

ახალი კონტრაქტის თანახმად, ბორუსია გერმანული კომპანიისგან 350-დან 400 მილიონ ევრომდე მიიღებს.

კლუბის დირექტორმა, კარსტენ კრამერმა, განაცხადა, რომ განვლილ პერიოდში მიღწეული წარმატების გამეორება სხვა პარტნიორთან ერთად შეუძლებელი იქნებოდა:

პუმასთან ჩვენი თანამშრომლობა ძალიან კარგად მუშაობს, რადგან ფეხბურთის მიმართ ერთნაირი დამოკიდებულება გვაქვს. ის, რასაც ერთად მივაღწიეთ, სხვა პარტნიორთან შეუძლებელი იქნებოდა.

დორტმუნდი და პუმა 2012-2013 წლების სეზონიდან თანამშრომლობენ. კონტრაქტის თანახმად, კომპანია მაისურებს ბორუსიას ქალთა და ახალგაზრდული გუნდებისთვისაც შეკერავს.