დიეგო სიმეონე: "მხოლოდ იმიტომ, რომ მოურინიო გქვია, ყველაფერი არ შეიძლება"

მადრიდული დერბის დასრულების შემდეგ, ატლეტიკოს მთავარმა მწვრთნელმა, დიეგო სიმეონემ, ჟოზე მოურინიოზე ისაუბრა. არგენტინელი დამრიგებელი, პორტუგალიელის მისამართით, საკმაოდ კრიტიკული და კატეგორიული იყო.

მოურინიოს უკმაყოფილება, თამაშის დროს, მსაჯების მიერ მიღებულ რამდენიმე გადაწყვეტილებას მოჰყვა. იყო რამდენიმე ეპიზოდი, სადაც ატლეტიკოს ფეხბურთელებმა, რეალის მოთამაშეების წინაარმდეგ წესები დაარღვიეს, მაგრამ მოურინიოს აზრით, ეს ეპიზოდები, მსაჯების მიერ, სათანადოდ ვერ შეფასდა.

დიეგო სიმეონესთვის, მადრიდის ატლეტიკოს მწვრთნელის რანგში, რეალის წინააღმდეგ ეს შეხვედრა, რიგით 51-ე იყო. ამ 51 შეხვედრიდან, არგენტინელ მწვრთნელის სტატისტიკა ასე გამოიყურება, 14 მოგება, 15 ფრე და 22 მარცხი. ლა ლიგაში, მადრიდული დერბის მომდევნო შეხვედრა, 2027 წლის 4 აპრილს გაიმართება.