Diario SPORT: "რეალის გასახდელი მბაპეს გამოხტომებმა დაღალა"

მადრიდში კილიან მბაპესთვის კარგი დრო არ დგას. თავდამსხმელის გარშემო დაძაბული ატმოსფერო დღითიდღე იზრდება და როგორც ჩანს, პიკს მიაღწია (ჯერჯერობით) მას შემდეგ, რაც გამოქვეყნდა ფეხბურთელის შვებულებაში ყოფნის ფოტოები, როდესაც გუნდი კრიზისში იყო - ის ესპანიოლთან მატჩამდე სულ რამდენიმე წუთით ადრე დაბრუნდა ესპანეთში.

გულშემატკივრებსა და ფეხბურთელს შორის უთანხმოება აშკარაა, მათ შორის რეალ მადრიდის ფანების სექტორის მიერ წამოწყებული კამპანიები, რომლებიც მის წასვლას მოითხოვენ. კლუბშიც არ მალავენ, რომ უკმაყოფილებამ გასახდელშიც შეაღწია.

L'Equipe-ის ცნობით, მისი თანაგუნდელების უმეტესობა უკმაყოფილოა თავდამსხმელის პრივილეგიებით, სხვა საკითხებთან ერთად, ასახელებენ „მწვრთნელთა შტაბის წევრის მიმართ უპატივცემულობას და ვარჯიშის დროს ან კვებამდე ორმოცი წუთით დაგვიანებას“.

საქმე ამით არ მთავრდება. ფრანგული გამოცემა ასევე ასახელებს გასახდელში ამ უთანხმოების დამატებით მიზეზებს.