დეპორტივოსთან მატჩში ესპანური გუნდის მეკარეების მწვრთნელმა ითამაშა

ესპანეთის პრიმერა RFEF-ის პირველი ჯგუფის 34-ე ტურის შეხვედრაში, ,,დეპორტივომ'' ,,არენტეიროს'' უმასპინძლა, მატჩი ფრედ, ანგარიშით 2:2 დასრულდა.

სტუმართა ძირითად შემადგენლობაში თამაში დიეგო რივასს მოუწია, რომელიც მეკარეების მწვრთნელია. კლუბის ორი მეკარე ტრავმირებული იყო, მესამე - ბრეა პაბლო კი სწორედ ლა-კორუნიულ გუნდს ეკუთვნის, რის გამოც თამაშის უფლება არ ჰქონდა.

ორი გოლის გაშვების მიუხედავად, რივასმა მატჩში თავი არაერთხელ გამოიჩინა, 94-ე წუთზე კი საკუთარი გუნდის მიერ გატანილ გამათანაბრებელ გოლშიც მიიღო მონაწილეობა.

დიეგო რივასი კარიერიას განმავლობაში არაერთ ესპანურ გუნდში, მათ შორის ,,ელჩეში'', ,,ეიბარში'', ,,ტენერიფეში'', ,,მურსიასა'' და ,,ალბასეტეში'' თამაშობდა. მისი ბოლო კლუბი კი ,,რასინგ დე ფეროლი'' იყო, სადაც 2018-2023 წლებში ასპარეზობდა.