"დანამდვილებით გეტყვით, რომ ბელინგემი რეალის კაპიტნობას შეძლებს" - იკერ კასილასი
2 თვის წინ
ფეხბურთი
1 წთ
"რეალ მადრიდში" ჩატარებული შესანიშნავი სეზონის შემდეგ, ჯუდ ბელინგემმა ფეხბურთის გულშემატკივრის სიმპათია უფრო მეტად დაიმსახურა. "სამეფო კლუბთან" ერთად, ინგლისელმა 20 წლის ასაკში ასაკში ლა ლიგისა და ჩემპიონთა ლიგის მოგება უკვე შეძლო.
"რეალის" ყოფილმა კაპიტანმა და ლეგენდარულმა მეკარემ იკერ კასილასმა ბელინგემის შესახებ ისაუბრა. მან თქვა, რომ ჯუდს კიდევ ბევრი აქვს სასწავლი, თუმცა, აქვს პოტენციალი რომ ერთ დღეს მადრიდულ კლუბს უკაპიტნოს.
ის მსოფლიოს საუკეთესო გუნდში თამაშობს და დაამტკიცა, რომ შესანიშნავი ფეხბურთელია. ჯუდმა ისიც დაამტკიცა, რომ აქ ყოფნას იმსახურებს. გულშემატკივარი ყოველ წელს უკეთეს შედეგს მოსთხოვს, სწორედ ეს არის ის, რაც ბელინგემს ვარსკვლავად აქცევს. დანამდვილებით გეტყვით, რომ ბელინგემი რეალის კაპიტნობას შეძლებს.
თუმცა, არსებობენ უფრო გამოცდილი მოთამაშეებიც. მას ვურჩევდი, რომ ვეტერანებს მოუსმინოს, კლუბის ისტორია კარგად შეისწავლოს და ყველაფერი გააკეთოს იმისთვის, რომ შესანიშნავი მოთამაშე და კაპიტანი გახდეს. - განაცხადა იკერ კასილასმა
Jude Bellingham is captain material 😤 pic.twitter.com/IZdgRgkGBR
— GOAL (@goal) June 20, 2024
შეგახსენებთ, რომ ამჟამად ჯუდ ბელინგემი ინგლისთან ერთად ევრო 2024-ზე ასპარეზობს. "სამმა ლომმა" პირველი მატჩი უკვე გამართა, სადაც სწორედ ჯუდის ერთადერთი გოლით სერბეთი დაამარცხა. მომავალი შეხვედრა ინგლისს დღეს, 20:00 საათზე დანიის წინააღმდეგ ელის.
სხვა სტატიები
