გერმანიის თასის 1/16-ფინალურ ეტაპზე კილის "ჰოლშტენი" მიუნხენის "ბაიერნს" დაუპირისპირდა და სენსაცია მოახდინა. "ჰოლშტენ-სტადიონზე" გამართულ დაპირისპირებაში მასპინძლებმა ბოლომდე იბრძოლეს და შეხვედრისთვის დამატებულ მეხუთე წუთზე წონასწორობა აღადგინეს - 2:2. დამატებით დროში არაფერი შეცვლილა და საბოლოოდ, პენალტების სერიაში კილის ბინადრებმა იმარჯვეს.
მატჩის დასრულების შემდეგ, მარცხით გაღიზიანებული ტომაშ მიულერი ჟურნალისტთან პოლემიკაში შევიდა. ბავარიული კლუბის შემტევმა ჩათვალა, რომ კორესპონდენტი მას დასცინოდა.
მიულერი: "რას ფიქრობთ? თქვენ ახლა აქ იცინით!"
ჟურნალისტი: "მე არ ვიცინი. ეს ნამდვილად მესმის."
მიულერი: "რა თქმა უნდა დამცინი!"
ამ დიალოგს კონფლიქტი არ მოჰყოლია და ინტერვიუ მშვიდ ტონალობაში გაგრძელდა.
31 წლის გერმანელმა ამ სეზონში 25 მატჩში 9 გოლი გაიტანა და 12 საგოლე გადაცემა გააკეთა.
