ბუდუ ზივზივაძის შეფასება დარმშტადტის წინააღმდეგ
გერმანიის ბუნდესლიგა 2-ის მე-12 ტურის შეხვედრაში ჰაიდენჰაიმი დარმშტადტს ესტუმრა და 3:1 დამარცხდა. ანგარიში თავდაპირველად ჰაიდენჰაიმმა გახსნა და ეს ბუდუ ზივზივაძემ მე-5 წუთზე მოახერხა, მას შემდეგ კი დარმშტადტმა მეტოქეს სამი უპასუხო გოლი გაუტანა - ლარს კელმა დუბლი შეასრულა, ხოლო ერთიც ალექსანდრ ვუკოტიჩმა გაიტანა.
ბუდუ ზივზივაძემ თამაში ძირითადი შემადგენლობიდან დაიწყო და შეუცვლელად ითამაშა, მან 9 ორთაბრძოლაში მიიღო მონაწილეობა და 6-ში გაიმარჯვა, ბურთს 36-ჯერ შეეხო, 4-ჯერ ჰქონდა დრიბლინგის მცდელობა და 3 წარმატებული გამოდგა, 13 გადაცემიდან 10 ზუსტად შეასრულა (77%), სულ 8-ჯერ დაარტყა - 3-ჯერ კარში, 3-ჯერ კარისკენ, 2-ჯერ კი დაუბლოკეს.
ბუდუ ზივზივაძეს თავისი გუნდიდან ყველაზე მაღალი შეფასება ჰქონდა:
Sofascore: 7.4
Flashscore: 8.4
Whoscored: 8.0
Es geht ohne Punkte nach Hause.
— 1. FC Heidenheim 1846 e. V. (@FCH1846) November 20, 2026
🔴🔵 #SVDFCH | @mhp_de pic.twitter.com/xtz3eOVzRQ
ჰაიდენჰაიმი ბუნდესლიგა 2-ის ცხრილში 16 ქულით მე-7 პოზიციაზეა (4 მოგება, 4 ფრე, 4 მარცხი). მომდევნო შეხვედრას ქართველი ფეხბურთელის გუნდი 27 ნოემბერს ნიურნბერგის წინააღმდეგ გამართავს.
ბუდუ ზივზივაძეს მიმდინარე სეზონში 5 გოლი აქვს გატანილი.