ბუდუ ზივზივაძე შესაძლოა ზანკტ პაულში გადავიდეს?

ქართველი "კარლსრუეს" თავდამსხმელი ბუდუ ზივზივაძე "ზანკტ პაულის" ოფიციალურ გვერდზე თავდამსხმელთა სიაში მცირე ხნით მოხვდა, მომხმარებლებმა გუნდში განხორციელებული ცვლილება აღმოაჩინეს ფეხბურთელის სახელი და გვარი კი მალევე წაიშალა, ამის შესახებ გერმანული გამოცემა BILD წერს.

ის ფაქტიც უნდა აღინიშნოს, რომ "ზანკტ პაული" 30 წლის ფეხბურთელის ტრანსფერით იყო დაინტერესებული და გულშემატკივრებსაც სურდათ ბუდუს გუნდში ხილვა. აღნიშნულს გერმანული გუნდის პრესსამსახურმა ტექნიკური ხარვეზი უწოდა.

"ზანკტ პაული" ბუნდესლიგა 2-ის ჩემპიონი გახდა და გერმანიის მთავარ ჩემპიონატში აღზევდა.