ბუდუ ზივზივაძე მოლაპარაკებებს სამხრეთ კორეულ გუნდთან მართავს

საქართველოს ეროვნული ნაკრების თავდამსხმელმა, ბუდუ ზივზივაძემ, კარიერა, შესაძლოა სამხრეთ კორეაში გააგრძელოს. ინფორმაციას პირველი არხი ავრცელებს.

„ზივზივაძის ტრანსფერზე მუშაობა მიდის და შეიძლება ეს ამბავი ძალიან მალე გადაწყდეს. მოლაპარაკება სამხრეთ კორეულ კლუბთან მიმდინარეობს,“ – განაცხადა ფეხბურთელის აგენტმა, ლაშა ოდილაძემ.

ზივზივაძე იანვარში ,,კარლსრუეში'' გადავიდა და გასულ სეზონში ჩატარებულ 10 შეხვედრაში 1 გოლი გაიტანა.