ბუდუ ზივზივაძე კარლსრუეს ვარჯიშზე დაშავდა

„კარლსრუესა“ და საქართველოს ნაკრების თავდამსხმელი, ბუდუ ზივზივაძე, სამშაბათს დილის ვარჯიშზე დაშავდა და იძულებული გახდა, მოედანი დაეტოვებინა – ინფორმაციას bnn.de ავრცელებს.

ბუდუმ ბუნდესლიგა 2 შესანიშნავად დაიწყო. ქართველმა პირველივე ტურის შეხვედრაში, "ნიურნბერგს" ჰეთ-თრიქი შეუსრულა და კარლსრუეს მატჩში 3:2 მოაგებინა. ზივზივაძე, 2 ტურის შემდეგ, ტურნირის თანაბომბარდირია.

ქართველი ფეხბურთელის დაზიანების სიმძიმისა და დაბრუნების თარიღის შესახებ, ჯერ ინფორმაცია არ ვრცელდება.