ბორნმუთი უნალის ტრანსფერის გაოფიციალურების ზღვარზეა

ენეს უნალი "ხეტაფეს" ტოვებს და სეზონის დარჩენილ ნაწილს "ბორნმუთში" გაატარებს. აღნიშნულ ინფორმაციას, ცნობილი იტალიელი სპორტული ჟურნალისტი, ფაბრიციო რომანო ავრცელებს.

ფაბრიციო რომანოს მტკიცებით, უნალი "ბორნმუთს" იჯარის წესით შეუერთდება, თუმცა, პრემიერ ლიგის კლუბს თურქი ფეხბურთელის €16.5 მილიონად გამოსყიდვის უფლება ექნება. რომანო ასევე აღნიშნავს, რომ უნალსა და "ბორნმუთს" შორის კონტრაქტის პერსონალური დეტალები შეთანხმებულია.

26 წლის თურქი შემტევი "ხეტაფეს" ღირსებას 2020 წლიდან იცავს და ამ დროის განმავლობაში, ლა ლიგის 101 მატჩში, 34 გოლის გატანა შეძლო.