ბოლონიას მთავარი მწვრთნელი, ვინჩენცო იტალიანო საავადმყოფოში გადაიყვანეს

ბოლონიას მთავარი მწვრთნელი, ვინჩენცო იტალიანო საავადმყოფოში გადაიყვანეს და მომდევნო ორ მატჩს გამოტოვებს, ინფორმაცია იტალიურმა გუნდმა გაავრცელა. წყაროს ცნობით 47 წლის სპეციალისტი ბაქტერიული პნევმონიით ბოლონიის საავადმყოფოში მოათავსეს და იქ 5 დღის განმავლობაში იმკურნალებს. გუნდის განცხადებაში ასევე ნათქვამია, რომ იტალიანოს მდგომარეობა ნელ-ნელა უმჯობესდება, განახლებული ინფორმაცია კი უახლოეს დღეებში გახდება ცნობილი.

ბოლონია ხუთშაბათს ევროპა ლიგის მატჩში FCSB-ის (ყოფილი სტიაუა ბუქარესტის სახელით ცნობილი) დაუპირისპირდება, ხოლო კვირას სერია A-ში ფიორენტინას შეხვდება. აღნიშნულ დაპირისპირებებში დიდი ალბათობით ვინჩენცო იტალიანოს მოვალეობებს, მისი ასისტენტი დანიელ ნიკოლინი შეასრულებს.