ბოლო მატჩი მუნდიალამდე | სკალონიმ დაადასტურა, რომ მესი ისლანდიასთან ითამაშებს

ლიონელ მესი მზად არის მოედანზე გავიდეს და მუნდიალის დაწყებამდე არგენტინის ეროვნული ნაკრების მაისურით პირველი სათამაშო წუთები მიიღოს. „ალბისელესტეს“ მთავარმა მწვრთნელმა - ლიონელ სკალონიმ ოფიციალურად დაადასტურა, რომ მესი ისლანდიის ნაკრების წინააღმდეგ გასამართ ბოლო ამხანაგურ შეხვედრაში აუცილებლად მიიღებს მონაწილეობას.

ეს სიახლე არგენტინელი ქომაგებისთვის უდიდესი შვებაა, რადგან კაპიტანს ბოლო პერიოდში ტრავმა აწუხებდა. მესიმ დაზიანება სრულად მოიშუშა, რეაბილიტაციის კურსი წარმატებით გაიარა და გუნდთან ერთად სრული დატვირთვით ვარჯიშობს. სკალონის გადაწყვეტილებით, ისლანდიასთან მატჩი საუკეთესო შანსია, რათა ლეგენდარულმა ათიანმა სათამაშო რიტმი დაიბრუნოს და მსოფლიო პირველობას ოპტიმალურ კონდიციებში შეხვდეს.

აღსანიშნავია, რომ მოახლოებული ტურნირი ლიონელ მესისთვის ისტორიული და სარეკორდო იქნება - ის კარიერაში მეექვსე მსოფლიო ჩემპიონატზე იასპარეზებს, რაც ფეხბურთის ისტორიაში მანამდე არავის გაუკეთებია. 38 წლის ვარსკვლავისთვის, რომელმაც 2022 წელს ნატვრა აისრულა და მსოფლიო თასი აღმართა, ეს ტურნირი სანაკრებო დონეზე უკანასკნელი აკორდი იქნება, არგენტინა კი ტიტულის დაცვის მთავარ იმედად კვლავ თავის კაპიტანს მიიჩნევს.

არგენტინისა და ისლანდიის დაპირისპირება 10 ივნისს, თბილისის დროით 05:00 საათზე დაიწყება, რის შემდეგაც მსოფლიოს მოქმედი ჩემპიონები სრულიად მუნდიალზე გადაერთვებიან.