ბარსელონელთა სრული დომინაცია ლა ლიგაში

ოქტომბრის თვე ბარსელონასთვის შესანიშნავი გამოდგა, ჯერ ჰანსი ფლიკს გადაეცა ოქტომბრის თვის საუკეთესო მწვრთნელის ჯილდო, შემდეგ პედრი დასახელდა 23-წლამდელთა საუკეთესო ფეხბურთელად, ხოლო ბოლოს პოლონელი რობერტ ლევანდოვსკი თვის საუკეთესო ფეხბურთელის ჯოლდოს დაესაკუთრა.

36 წლის ფორვარდმა ოქტომბერში ლა ლიგის პირველ თამაშში, "ალავესს" ჰეთ-თრიქი გაუტანა, "სევილიასთან" და მადრიდის "რეალთან" კი დუბლი შეასრულა.

"ბარსელონა" ამ სეზონში ტიტულის მოპოვების თვალსაზრისით დომინირებს, აგვისტოში რაფინიამ მოიგო, სექტემბერში ლამინე იამალმა, ხოლო ოქტომბერში როგორც უკვე აღვნიშნეთ რობერტ ლევანდოვსკის ჯერიც დადგა.

კატალონიური გუნდი 30 ქულით ლა ლიგის ერთპიროვნული ლიდერია, მეორეადგილოსან მადრიდის "რეალს" 6 ქულით უსწრებს.