ბარსელონას პრეზიდენტი მესის წასვლაზე: "არაფერს ვნანობ"

ბარსელონას პრეზიდენტმა, ჟოან ლაპორტამ, გადაცემა „El Mati de Catalunya Radio“-ში კლუბში არსებულ ამჟამინდელ მდგომარეობაზე ისაუბრა.

ცხადია, ერთ-ერთი მთავარი ინტერესის საგანი ლეო მესის მოულოდნელი ვიზიტი იყო „კამპ ნოუზე“ - კლუბის ინფორმირების გარეშე. ეს დაემთხვა მისი ინტერვიუს გამოქვეყნებას SPORT-ში, რომელშიც ბარსელონას დატოვებაზე გულდაწყვეტით ისაუბრა და აღნიშნა, რომ წასვლა არ სურდა - თანაც ეს წასვლა არ იყო ისეთი, როგორზეც ოცნებობდა.

ესპანურ მედიაში ვრცელდება ინფორმაცია, რომ ლეო მესი ლაპორტას მოწინააღმდეგეთა ბანაკშია და მომავალ არჩევნებში მისი კონკურენტის მომხრე იქნება. თავად ლაპორტა ამბობს, რომ მას და ლეოს შესანიშნავი ურთიერთობა აქვთ.