"ბარნლი მიქაუტაძისთვის ბრძოლას გამოეთიშა" - ევროპული მედია ქართველის ტრანსფერზე საუბრობს

ფრანგული მედიის ინფორმაცით, ინგლისის პრემიერ ლიგაში დაბრუნებული "ბარნლი" საქართველოს ნაკრების და "მეცის" თავდამსხმელის, გიორგი მიქაუტაძის დამატებისთვის ბრძოლას გამოეთიშა.

"ინგლისურმა გუნდმა, რომელიც მომავალ სეზონში პრემიერ ლიგაში ითამაშებს, "მეცს" 15 მილიონი ევრო შესთავაზა გიორგი მიქაუტაძის დასამატებლად, თუმცა უარის შემდეგ ვენსან კომპანის გაწვრთნილი გუნდი მოლაპარაკებებს ტოვებს.

მართლაც, ინგლისურ კლუბს არ სურს ყულაბის გატეხვა, რათა ქართველი ფეხბურთელი დაიმატოს, რომელიც ჯერ კიდევ ბევრი ევროპული გუნდის ინტერესის სფეროშია.

პიერ დრეოსის მიერ გაკეთებული ეს ლამაზი პოკერის ნაბიჯი, რომელსაც არ აქვს სიმტკიცის ნაკლებობა თავისი ცენტრალური თავდამსხმელის გასაყიდად, "მეცს" 20 მილიონი ევროს ჯიბეში მოხვედრის შესაძლებლობას აძლევს. შესაძლოა, ეს ტრანსფერი ამ ზაფხულისთვის არ იგეგმებოდეს", - წერს socios-fcmetz.com-ი FOOT MERCATO-ზე დაყრდნობით.

ქართველი თავდამსხმელისთვის, რომელმაც, 2022/23 წლების სეზონში ყველა ტურნირზე ”მეცის” მაისურით ჩატარებულ 40 შეხვედრაში 24 გოლი გაიტანა და 9 საგოლე პასი გააკეთა, ყველაზე მეტად რომის “ლაციო”, და ტურინის “იუვენტუსი” იბრძვიან.