ბაიერნში გადასვლის შემდეგ, ჰარი კეინს ყველაზე მეტი გოლი გააქვს

გერმანიის ბუნდესლიგის პირველივე ტურში, ბაიერნმა საოცარი თამაში აჩვენა. მიუნხენელებმა ალიანც არენაზე ლაიფციგი 6:0 გაანადგურეს.

ლუის დიასის გოლისა და მაიკლ ოლისეს დუბლის შემდეგ, ინგლისის ნაკრების კაპიტნის, ჰარი კეინის ჰეთ-თრიქი ტორტზე მარწყვივით იყო, მან 3 გოლის გატანა 13 წუთში მოახერხა. მას შემდეგ, რაც კეინი ტოტენჰემიდან ბაიერნში გადავიდა, ფენომენალური სტატისტიკა აქვს.

ჩემპიონატის 64 მატჩში ინგლისელმა 65 გოლი გაიტანა, რითაც ამ პერიოდში ევროპის ხუთ საუკეთესო ლიგაში ყველა სხვა თავდამსხმელს გაუსწრო. უახლოეს მდევარს, კილიან მბაპეს, 59 გოლი აქვს გატანილი, ჰოლანდს - 51, ხოლო მო სალაჰს - 48.

საინტერესოა, რომ კეინმა კიდევ ერთხელ გადაფარა ერთ-ერთი ყველაზე საშინელი სტიგმა - „აგვისტოს წყევლის“ შესახებ. წლების განმავლობაში, კეინი პრემიერ ლიგის პირველ თვეში გოლს ვერ იტანდა. მან ეს მხოლოდ 2018 წელს, ფულემის წინააღმდეგ მოახერხა. უფრო მეტიც, ეს მისი მერვე ჰეთ-თრიქი იყო ბუნდესლიგაში, ეს იგივე რაოდენობაა, რაც მან ტოტენჰემის შემადგენლობაში ჩატარებულ 320 მატჩში დააგროვა (პრემიერ ლიგაში).