"არ მჯერა, მართლა არ მჯერა" - ლიეტუვის ქომაგები მატჩს გამოეხმაურნენ

კონფერენს ლიგის საკვალიფიკაციო ეტაპის 1/4-ფინალურ დასკვნით მატჩში დინამო თბილისი ლიეტუვურ ჟალგირისთან სტუმრად 7:2 დამარცხდა და გათამაშებას გამოეთიშა. აქვე აღვნიშნავ, რომ თბილისურმა გუნდმა მანამდე საკუთარ არენაზე მეტოქე 3:0 დაამარცხა.

მატჩის პირველი ტაიმი 1:1 დასრულდა, ქართული გუნდიდან გოლი ლეო სანტოსმა გაიტანა, ხოლო მეორე ტაიმში როდესაც ანგარიში 3:1 იყო გოლი მათე ვაწაძემ 72-ე წუთზე გაიტანა და ანგარიში მინიმუმამდე შეამცირა. ამის შემდეგ კი ჟალგირისმა საოცრება დაატრიალა და 16 წუთში დინამოსთვის 4 უპასუხო გოლის გატანა შეძლო.

ამ ამბის შემდეგ ჟალგირისის ქომაგები რა თქმა უნდა აღფრთოვანებულები არიან და გთავაზობთ მათ რამდენიმე კომენტარს სოციალური ქსელიდან:

• ფარულად 3:0-ზე ვოცნებობდი, მაგრამ 7:2 გამოვიდა. ფანტასტიურია რაც მოხდა!

• ეს რა ჯანდაბა ვნახე....

• არ მჯერა, მართლა არ მჯერა

• არარეალურია! ეს უბრალოდ არარეალურია! მეტ სიტყვებს ვერ ვპოულობ

• ფანტასტიკური მატჩი, ფეხბურთი დაბრუნდა

• შთამბეჭდავი ქამბექი ვიხილეთ

• ერთ-ერთი ყველაზე საინტერესო მატჩი იყო, რაც კი ოდესმე მინახავს

• წარმოუდგენელია.... ვფიქრობ, ასეთი მოვლენა ლიეტუვის ფეხბურთის ისტორიაში ერთ-ერთი ყველაზე გამორჩეულია

• მშვენიერია! წარმოუდგენელია! 3-ზე ვოცნებობდით და აი, 7 გამოვიდა